Bu gün keçiriləcək ölkə kubokunun ilk oyunları meydana çıxan komandalardan ikisi üçün əlamətdar olacaq. Apasport.az saytının məlumatına görə, mübarizəyə I mərhələdən başlayan 8 klub arasında ən təcrübəlilər olan “Gəncə” və MOİK yubiley qarşılaşmalarına çıxacaq.

Uzun illər “Kəpəz” adı altında çıxış edən və 3 dəfə kuboka yiyələnən qərblilər bu turnirin tarixində özünün 75-ci matçına çıxacaq. Bu gün “Rəvan”ı qəbul edəcək “Gəncə” indiyədək keçirdiyi oyunlarda 48 qələbəyə sevinib, 12 heç-heçə edib və 14 dəfə uduzub. Bu görüşlərdə 152 top vuran gəncəlilər 69 dəfə topu tordan çıxarıb.

MOİK isə “Gəncə” ilə müqayisədə kiçik yubileyini qeyd edəcək. “Hərbçilər” 50-ci kubok matçını “Neftçi-İSM”ə qarşı keçirəcək. Bakılılar indiyədək 13 qələbə və 7 heç-heçə ilə kifayətləndikləri kubokda 29 dəfə məğlub olub. MOİK-in top fərqi də rəqiblərinin xeyrinədir – 45:71.

Qeyd edək ki, yubilyarların hər ikisinin rəqibi ölkə kuboku yarışlarının debütantlarıdır.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”