Rumıniyanın “Styaua” klubunda baş verən məşqçi istefasının səbəbi məlum olub. Apasport.az saytının məlumatına görə, Moldovanın “Şerif” klubu ilə qolsuz heç-heçədən sonra komandadan qovulan Kristiano Berqodinin qovulmasına nəticənin təsiri olmayıb.

Belə ki, “Styaua”nın sahibi, qalmaqallarda ad çıxaran Cici Bekali istefanın qaçılmazlığını başqa səbəblə izah edib: “Qarşılaşma bitəndən sonra soyunub-geyinmə otağına yollandım. Lakin Berqodi məni oyunçuların yanına buraxmadı. İmkan vermərəm ki, məni təhqir edib alçaltsınlar. Hətta 5:0 hesabı ilə qalib gəlsəydik, onu istefaya göndərəcəkdim. Məni təhqir edən adamla bir yerdə işləyə bilmərəm”.

Qeyd edək ki, “Styaua”nın yeni baş məşqçisi Mihay Stoykitse olub.

• “Atletiko”dan Vitsel qərarı
• Millətlər Liqası: Türkiyə Uelslə bacarmadı, Almaniyadan darmadağın - YENİLƏNİB
• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub