“Birinci dövrənin sonunadək komandamızda hansısa dəyişiklik olmayacaq. Ancaq qış fasiləsində yeniliklərin olması labüddür. Heyətdə ciddi dəyişikliklər olacaq. Komandanın gücləndirilməsi mütləqdir. Qış transfer dönəmində kluba daha səviyyəli futbolçular cəlb olunacaq”. Apasport.az saytının xəbərinə görə, bu sözləri “Bakı” klubunun prezidenti Hafiz Məmmədov deyib.

“Olimpik-Şüvəlan”la oyundan sonra jurnalistlərin suallarını cavablandıran Məmmədov bildirib ki, komandası təsadüfən çempion tituluna sahib çıxmasını sübut etməlidir: “Böyük planlarımız var və ciddi işlər aparılır. Bilirsiniz ki, bazamız tikilir, həmçinin Türkiyədən mütəxəssislər cəlb olunub. Əsas məqsədimiz ölkə futbolu üçün çalışmaqdır. İnanıram ki, böyük planlarımızı reallaşdırmaqla futbolumuza töhfə verəcəyik”.
Baş məşqçi Qyoko Hacıyevskinin istefaya göndəriləcəyi barədə xəbərlərə gəlincə, Məmmədov buna belə izah verib: “O vəzifəsində qalır. Biz həmişə iddialı olmuşuq. Yenə də məqsədimiz həm çempion olmaq, həm də kuboku başımız üzərinə qaldırmaqdır. Əvvəlki qarşılaşmada futbolçularımız psixoloji təzyiq səbəbi ilə məğlub olsalar da, bu oyunda qələbə qazanmağımız komandada özünəinamı artırdı”

• “Atletiko”dan Vitsel qərarı
• Millətlər Liqası: Türkiyə Uelslə bacarmadı, Almaniyadan darmadağın - YENİLƏNİB
• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub