17 yaşadək futbolçulardan ibarət Gürcüstan milli komandasının sabiq futbolçusu Zurab Barabadze qətlə yetirilib. Apasport.az saytının məlumatına görə, zədə üzündən son iki ili yaşıl meydanlardan kənar qalan futbolçu güllələnib. Hadisəyə Zurabın bir qrup tanışı ilə mübahisəsi səbəb olub. Dava-dalaşa çevrilən mübahisənin sonunda tanışlarından biri silahı çıxararaq onu yaralayıb. Xəstəxanaya çatdırılan Barabadzenin həyatını xilas etmək mümkün olmayıb. Qatilin kimliyini müəyyənləşdirən hüquq mühafizə orqanları cinayətkarı yaxalamaq üçün tədbirlərin həyata keçirilməsinə başlayıb.
Qeyd edək ki, Tiflis “Dinamo”sunun yetirməsi olan Zurab 2001-02-ci illərdə U-17-nin şərəfini qoruyub. Futbolçu bir neçə Macarıstan klubunun heyətində legioner həyatı da yaşayıb.

• "Real Madrid" yarımmüdafiəçisi ilə yollarını ayıra bilər
• "Qarabağ"ın futbolçusu oynadı, millisi qələbə qazandı
• İsveç millisinin müdafiəçisi zədələnib
• Poqba məşqlərini Amerikada davam etdirir
• Osimhen Premyer Liqa yolunda