Futbol üzrə XVIII Azərbaycan kubokunun 1/8 final mərhələsinin bütün iştirakçıları müəyyənləşib. Apasport.az saytının məlumatına görə, “Bakılı” və Qusarın “Şahdağ” klubunun ardınca, “Gəncə” və “Neftçi” İSM də növbəti mərhələyə çıxıb. Hər iki komanda buna cavab görüşlərində qazandıqları eyni hesablı qələbə (2:0) ilə nail olublar.

1/8 finala çıxan birinci divizion klublarından yalnız “Neftçi” İSM debütantdır. Bu komanda növbəti mərhələdə “Neftçi”, “Gəncə” isə “Simurq”la qüvvəsini sınayacaq.

1/8 finalda digər cütlər belədir: “Şahdağ” – “Qarabağ”, “Bakılı” – “Bakı”, “Olimpik-Şüvəlan” – “Qəbələ”, “Xəzər-Lənkəran” – “Muğan”, “Standard” – “Turan”, “İnter” – “Karvan”.

Bu mərhələnin ilk oyunları noyabrın 4-5-də, cavab görüşləri bir həftə sonra keçiriləcək.


Azərbaycan kuboku, 1/16 final mərhələsi
Cavab oyunları
23 sentyabr (çərşənbə)


16:00. "Rəvan" - "Gəncə" - 0:2
Bakı. Buzovna qəsəbə stadionu
Baş hakim: Zöhrab Əliyev
Hakim-köməkçiləri: Hüseyn İmanov, Vüsal Qəmbərov, İnqilab Məmmədov
İlk oyun – 1:1

16:00. "Neftçi" İSM - MOİK - 2:0
Bakı. Lökbatan Olimpiya İdman Kompleksinin stadionu
Baş hakim: Əliyar Ağayev
Hakim-köməkçiləri: Elşən Məmmədov, Qəzənfər Məmmədov, Alik Yunusov
İlk oyun - 1:2

• Vüqar Nadirov bölgə klubunda - Rəsmi
• Didye Deşam: "İtaliya millisi son oyunlarda yaxşı formada idi"
• "İnter" 35 milyon avroya yeni müdafiəçi tapıb
• "Real Madrid" yarımmüdafiəçisi ilə yollarını ayıra bilər
• "Qarabağ"ın futbolçusu oynadı, millisi qələbə qazandı