Polşa milli komandasının heyəti açıqlanıb. Apasport.az saytının məlumatına görə, 19 yaşadək futbolçulardan ibarət komandalar arasında Avropa çempionatının seçmə mərhələsində Azərbaycan yığmasının rəqibi olan polşalılar İsraildə keçiriləcək turnirə aparacaqları heyəti müəyyənləşdirib.

Meydan sahibləri, həmçinin Danimarka millisinin də mübarizə aparacağı qrupun oyunlarında Polşanın şərəfini “Breşia”, “Oser”, “Herta”, “Borussiya” kimi klublardan dəvət olunmuş futbolçular qoruyacaq. Bunlar Filip Kurto (“Visla” Krakov), Yakub Slovik (“Sparta” Oborniki), Mateuş Bartkov, Ariel Famulski, Pavel Oleksi (hamısı “Zagłębie” Lubin), Mihal Czekay (“Visla” Krakov), Tomaş Holota (“QKS” Katovitse), Kamil Venger (UKS SMS Lodz), Damian Laziçki (“Visla” Plotsk), Bartoş Salamon (“Breşia”, İtaliya), Krjiştof Kasak (“Borussiya” Mönhenqladbax, Almaniya), Mihal Kuxarçik (“Svit Novi Dyor”, Macarıstan), Mateuş Şepanyak (“Oser”, Fransa), Krjiştof Volkieviç, Marçin Kaminski (hər ikisi “Lex” Poznan), Mihal Yonçik (“Sandeçya” Novi-Sak), Patrik Podriqala (“Herta”, Almaniya), Mihal Fidziukieviçdir (“Yagelloniya” Belistok).

Qeyd edək ki, Azərbaycan və Polşa yığmaları oktyabrın 11-də qarşılaşacaq.

• Didye Deşam: "İtaliya millisi son oyunlarda yaxşı formada idi"
• "İnter" 35 milyon avroya yeni müdafiəçi tapıb
• "Real Madrid" yarımmüdafiəçisi ilə yollarını ayıra bilər
• "Qarabağ"ın futbolçusu oynadı, millisi qələbə qazandı
• İsveç millisinin müdafiəçisi zədələnib