Bu gün Macarıstanın Debretsen şəhərində futzal üzrə Avropa çempionatının final mərhələsinin püşkatma mərasimi keçirilib. Apasport.az saytının məlumatına görə, gələn ilin yanvarında təşkil olunacaq turnirdə iştirak edəcək Azərbaycan milli komandasının qrup mərhələsindəki rəqibləri məlum olub.

2010-cu il yanvarın 19-dan 30-dək Budapeştdəki “Laslo Papp Arena” və Debretsendəki “Feniks Arena”da keçiriləcək qitə birinciliyinin qrup oyunlarında yığmamız meydan sahibləri və Çexiya ilə mübarizə aparacaq. Püşk III – sonuncu səbətdə yer alan yığmamızın üzünə gülüb. Belə ki, İspaniya, Rusiya, İtaliya kimi nəhənglərin də yer aldığı I səbətdə ən zəif olan macarlar komandamıza rəqib olacaq. Azərbaycan Futzal Federasiyasının nümayəndəsi Ramin Axundov və milli komandanın baş məşqçisi Joze Alesio Da Silvanın da iştirak etdiyi tədbirdə yarışın qruplarının tam tərkibi müəyyənləşib ki, hər qrupun iki ən yaxşısı növbəti mərhələyə çıxacaq.

A qrupu: Macarıstan, Çexiya, Azərbaycan
B qrupu: İtaliya, Ukrayna, Belçika
C qrupu: Rusiya, Serbiya, Sloveniya
D qrupu: İspaniya, PortuqaLiya, Belarus

Qeyd edək ki, mart ayında Portuqaliyanın Vyana Do Kaştelyo şəhərində təşkil olunmuş Avropa çempionatının əsas seçmə mərhələ oyunlarında uğurla çıxış edən millimiz Portuqaliya (3:3), Polşa (3:4) və Finlandiya (5:1) ilə görüşlərdən sonra final mərhələsində çıxış etmək hüququ qazanıb.

• Türkiyə millisinin üzvü Premyer Liqa yolunda
• Fransa millisində rekord
• Vüqar Nadirov bölgə klubunda - Rəsmi
• Didye Deşam: "İtaliya millisi son oyunlarda yaxşı formada idi"
• "İnter" 35 milyon avroya yeni müdafiəçi tapıb