AFFA İntizam Komitəsinin növbəti iclası keçirilib. Apasport.az-ın assosiasiyanın rəsmi internet saytına istinadən məlumatına görə, iclasda qurumun hakim-inspektoru Azad Feyzullayevin ötən həftə “Futbol+” qəzetinə verdiyi müsahibə ilə bağlı müzakirələr aparılıb. Onun müsahibədə AFFA və PFL əməkdaşlarının ünvanına iftiralar ataraq, təhqir etməsi bildirilib. Nəticədə İntizam Komitəsi Feyzullayevi 2 il müddətinə AFFA və PFL-in üzvü olan futbol qurumlarında fəaliyyət göstərməkdən məhrum edib.

Bundan başqa, komitə futzal üzrə Azərbaycan kubokunun qrup mərhələsi çərçivəsində PSL - “Normikro” matçında baş verənlərə də hüquqi qiymət verib. Həmin görüşdə PSL-in futzalçısı Rüfət Quliyev və “Normikro” oyunçusu Əsgər Əliyev bir-birini vurduğundan, birbaşa qırmızı vərəqə alaraq meydandan kənarlaşdırılıblar. Bu hərəkətə görə, hər iki futzalçı 2 oyunluq cəzalandırılıb.

• "Malmö" ilə matçdan öncə "Qarabağ"da itki
• "Mançester Siti"nin futbolçusu həbs edilib
• Argentina klubunda istefa
• PSJ "Arsenal"la bacarmadı - VİDEO
• Alleqri “Mançester Yunayted” yolunda