“Təqvimlə bağlı müzakirələr çətin keçdi. Bununla belə, təqvimin tərtibatı zamanı arzuladıqlarımızı həyata keçirə bildik”. Apasport.az saytının məlumatına görə, bunu AFFA-nın baş katibi Elxan Məmmədov assosiasiyanın rəsmi saytına açıqlamasında deyib.

Bu gün Almaniyanın Frankfurt şəhərində Avro-2012-nin seçmə mərhələnin A qrupunun təqviminin müəyyənləşməsində iştirak edən Məmmədov ilk oyunu bu ilin sentyabrında, səfərdə məhz Almaniya yığmasına qarşı keçirmək istədiklərini bildirib: “Təqvimdən də göründüyü kimi, bu, belə də olacaq. Balansın qorunmasına, rəqiblərimizin bizə qədər hansı komanda ilə oynayacağına da xüsusi diqqət yetirdik. Hesab edirəm ki, təqvim bizim üçün sərfəlidir. Artıq təqvim müəyyənləşib və indidən azarkeşlərə müraciət edərək, yığmamızı dəstəkləməyə çağırıram”.

• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb
• “Nyukasl” ukraynalı müdafiəçi üçün 70 milyon avro ödəməyə hazırdır
• “Barselona” “Çelsi”nin futbolçusunu istəyir