Avropa Kuboklarının təqvimi açıqlandı
10.03.2010 - 11:34
2010/11 mövsümü üçün Avropa kuboklarının təqvimi müəyyənləşib. Apasport.az saytının məlumatına görə, Azərbaycanın 4 ən güclü klubunun qatılacağı yarışlar iyunun 21-də keçiriləcək püşkatma ilə start götürəcək. Həmin gün Çempionlar Liqası və Avropa Liqasının ilk iki təsnifat mərhələsinin püşkü atılacaq.
Mübarizəyə Avropa Liqasının birinci təsnifat mərhələsindən başlayan təmsilçilərimiz ilk oyunlarını iyulun 1-də, cavab qarşılaşmasını bir həftə sonra keçirəcək. Mərhələ adlayacağı halda, bu iki komanda, həmçinin ilk sınaqdan azad olan Azərbaycan kubokunun qalibi iyulun 15-i və 22-də ikinci təsnifat oyunlarının iştirakçısı olacaq. Çempionlar Liqasının ikinci sınağından yarışa qoşulan təmsilçimiz isə iyulun 13-14 və 20-21-də rəqibi ilə üz-üzə gələcək. Cavab oyunları keçirilməmiş - iyulun 16-da isə artıq üçüncü təsnifat mərhələsinin püşkatması olacaq.
Qeyd edək ki, Azərbaycan klubları avrokuboklar tarixində heç vaxt təsnifat mərhələlərini uğurla keçib yarışın əsas hissəsində debüt etməyib.
Mübarizəyə Avropa Liqasının birinci təsnifat mərhələsindən başlayan təmsilçilərimiz ilk oyunlarını iyulun 1-də, cavab qarşılaşmasını bir həftə sonra keçirəcək. Mərhələ adlayacağı halda, bu iki komanda, həmçinin ilk sınaqdan azad olan Azərbaycan kubokunun qalibi iyulun 15-i və 22-də ikinci təsnifat oyunlarının iştirakçısı olacaq. Çempionlar Liqasının ikinci sınağından yarışa qoşulan təmsilçimiz isə iyulun 13-14 və 20-21-də rəqibi ilə üz-üzə gələcək. Cavab oyunları keçirilməmiş - iyulun 16-da isə artıq üçüncü təsnifat mərhələsinin püşkatması olacaq.
Qeyd edək ki, Azərbaycan klubları avrokuboklar tarixində heç vaxt təsnifat mərhələlərini uğurla keçib yarışın əsas hissəsində debüt etməyib.
0
0