“Oyundan əvvəl şanslar adətən bərabər olur. Bu gün baş tutacaq görüş öncəsi də belədir”. Bu sözləri apasport.az saytına açıqlamasında “Bakı” klubunun futbolçusu Vadim Borets deyib.

Bu gün ölkə çempionatının əsas mərhələsində “Qarabağ”la çətin görüşə çıxacaq paytaxt təmsilçisinin moldovalı legioneri bildirib ki, hər oyuna qələbə üçün çıxacaqlar. Hansısa komandadan qorxmadıqlarını vurğulayan Boretsin sözlərinə görə, bütün rəqiblə, o cümlədən “Qarabağ”la hörmətlə yanaşırlar: “Rəqib komandada müdafiə, yarımmüdafiə, hücumda yaxşı futbolçuları var. Qapıçıları da pis deyil. Bir sözlə, hər xətdə öz liderləri var. “Qarabağ” yaxşı komanda olsa da, biz onları mütləq yenməliyik. Bunun üçün inamlı oynamalıyıq. Çempionluq uğrunda mübarizəmi davam etdirmək istəyiriksə, meydanı qalib tərk etməliyik”.

Qeyd edək ki, “Bakı” – “Qarabağ” matçı saat 14:00-da başlayacaq.

• “Liverpul”da ciddi itki
• Pol Poqba Fransa klubuna keçə bilər
• "Fənərbaxça" Bundesliqada çıxış edən futbolçunu istəyir
• Fransa millisində yeni kapitan
• İngiltərə millisində ilin futbolçusu seçilib