Azərbaycan futbolunda növbəti qalmaqal

11.03.2010 - 18:32

Unibank Premyer Liqasında çıxış edən komandaların əvəzedici heyətləri arasında keçirilən Azərbaycan çempionatında final mərhələsinə start verilib. Apasport.az-ın Peşəkar Futbol Liqasının rəsmi internet saytına istinadən məlumatına görə, XXIII turun ilk oyun günü qalmaqalla müşayiət olunub.

Belə ki, gənc hakim Xəlil Hüseynlinin idarə etdiyi “Turan” – “Karvan” matçı sona çatdırılmayıb. Qarşılaşmanın 82-ci dəqiqəsində, hesab meydan sahiblərinin xeyrinə (2:0) olarkən yevlaxlılar meydanı tərk etmək qərarına gəlib. Hadisənin səbəbləri açıqlanmasa da, bunda hakimlərin “əməyi” olduğu gözlənilir. Böyük ehtimalla qonaqlara İntizam Komitəsi də texniki məğlubiyyət verəcək. Digər matçlarda da qola həsrət qalan qonaqlar meydan sahiblərinin qələbələrinə şahidlik edib.

"Qarabağ" - "Qəbələ" – 1:0
Natiq Kərimi, 60

"Xəzər Lənkəran" - "Standard" - 1:0
Nahid Əliyev, 8

"Olimpik-Şüvəlan" - "Simurq" – 2:0
Orxan Səfiyaroğlu, 15; Elmin Çobanov, 53

"Turan" - "Karvan"
82-ci dəqiqədə "Karvan" komandasının meydanı tərk etməsi səbəbindən hesab 2:0 olarkən oyun yarımçıq dayandırılıb.

	Komanda	O	Q	H	M	Qollar	Xallar
1	"Qarabağ"	11	8	1	2	16-6	25
2	"İnter"	10	5	3	2	14-7	18
3	"Neftçi"	10	5	1	4	16-11	16
4	"Bakı"	10	4	0	6	16-21	12
5	"Qəbələ"	11	3	1	7	7-20	10
6	"Muğan"	10	3	0	7	10-14	9

7	"Xəzər Lənkəran"	11	8	0	3	21-12	24
8	"Turan"	10	7	2	1	27-11	23
9	"Olimpik-Şüvəlan"	11	5	2	4	19-13	17
10	"Simurq"	11	4	2	5	18-21	14
11	"Karvan"	10	1	4	5	7-17	7
12	"Standard"	11	1	2	8	6-24	5