Mayın 26-da keçiriləcək yoldaşlıq oyununda Moldova ilə görüşəcək Azərbaycan milli komandası indiyədək 7 dəfə bu rəqiblə üz-üzə gəlib. Apasport.az saytının məlumatına görə, Avstriyadakı təlim-məşq toplanışında baş tutacaq 8-ci duelə qədər futbolçularımız yalnız bir qələbəyə sevinib.

Bu da 12 il əvvəl qeydə alınıb. Həmin vaxt Yunis Hüseynovun vurduğu qol moldovalılar üzərində yeganə qələbəmizi rəsmiləşdirdi. Bundan sonra heç cür rəqibini üstələyə bilməyən komandamız ümumilikdə 3 dəfə moldovalılara “boyun əyib”. 2001-ci ildə Bakıdakı matçda isə iki futbolçusu qırmızı vərəqə alıb 9 nəfərlə qalan vaxtda da qonaqlar futbolçularımıza sevinmək imkanı verməyib. Azərbaycan və Moldova yığmaları arasında son iki görüşdə isə qapılara qol vurulmayıb.

Qeyd edək ki, Avstriyadakı matç rəqiblərin neytral meydanda oynayacaqları ilk duel olacaq.

tarix	status	yer	oyun	hesab
01.09.1994	Yoldaşlıq oyunu	Kişinyov	Moldova-Azərbaycan	2:1
22.03.1998	Yoldaşlıq oyunu	Bakı	Azərbaycan - Moldova	1:0
24.03.2001	DÇ-2002-nin seçmə oyunu	Bakı	Azərbaycan - Moldova	0:0
01.09.2001	DÇ-2002-nin seçmə oyunu	Kişinyov	Moldova-Azərbaycan	2:0
31.03.2004	Yoldaşlıq oyunu	Kişinyov	Moldova-Azərbaycan	2:1
09.02.2005	Yoldaşlıq oyunu	Bakı	Azərbaycan - Moldova	0:0
08.05.2006	Yoldaşlıq oyunu	Kişinyov	Moldova-Azərbaycan	0:0

• Pol Poqba Fransa klubuna keçə bilər
• "Fənərbaxça" Bundesliqada çıxış edən futbolçunu istəyir
• Fransa millisində yeni kapitan
• İngiltərə millisində ilin futbolçusu seçilib
• İspaniya millisinin üzvü sıx qrafikdən narazıdır