Azərbaycan və Türkiyə polisləri futbol meydanında üz-üzə gəliblər. Apasport.az saytının məlumatına görə, Türk Polis Təşkilatının yaranmasının 165 illiyi münasibətilə iki ölkənin asayiş keşikçiləri arasında yoldaşlıq oyunu təşkil olunub.

Qonşu ölkədə keçirilən görüşdə meydan sahiblərini İqdır polisinin əməkdaşları təmsil edibsə, ölkəmizin komandasında Naxçıvan Dövlət Polis İdarəsinin üzvləri oynayıb. Məhsuldar keçən qarşılaşmada “futbolçularımız” 6:3 hesabı ilə qalib gəlib. Naxçıvan polisləri artıq fasiləyədək rəqibini 4:2 üstələdiyindən, ikinci hissədə daha rahat oynamağı bacarıb.

Qeyd edək ki, qarşılaşmadan sonra komandalar bölgə rəhbərliyinin və müxtəlif dövlət strukturlarının mükafatları ilə təltif olunub.

• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ
• Mərakeş millisinin üzvü “Başakşəhər”də - RƏSMİ
• İngiltərəli müdafiəçi daha 5 il “Siti”də - RƏSMİ