Avro-2012-nin seçmə mərhələsində Azərbaycan milli komandası ilə qarşılaşacaq Almaniya yığması itki ilə üzləşib. Apasport.az saytının məlumatına görə, “Bayer”in 26 yaşlı hücumçusu Ştefan Kisslinq Bundestimin hazırlıqlarından kənarda qalıb.

O, sentyabrın 3-də Belçika, 4 gün sonra isə Azərbaycan millisi ilə görüşəcək komandasının Frankfurtdakı toplanışında məşq edə bilmir. Buna Kisslinqin bel ağrıları imkan vermir. Onun yoxluğunda Bundestim 20 futbolçu ilə hazırlıq keçir.

Qeyd edək ki, milli komandada 6 oyun keçirən Ştefan dünya çempionatının bürünc mükafatçısıdır. O, CAR-da təşkil olunan mundialın 2 qarşılaşmasında sonradan meydana çıxaraq, üst-üstə 24 dəqiqə oynayıb.

• La Liqada "Atletiko" qələbə qazandı, “Real Sosyedad” xal itirdi
• Super Liqa: "Beşiktaş"dan qələbə
• “Trabzonspor” doğma meydanda xal itirib
• “Tottenhem” -“Mançester Yunayted” matçında qalib müəyyənləşmədi
• Dursun Özbekdən Messi açıqlaması