“Revaz Dzodzuaşvilinin karyerası barədə danışmağa ehtiyac yoxdur”. Bu sözləri apasport.az saytına açıqlamasında “Turan” klubunun prezidenti Musa Süleymanov deyib.

Futbolçu kimi bir sıra uğurlara imza atan 65 yaşlı gürcü mütəxəssis Tovuz təmsilçisi ilə müqavilə imzalayıb. O, komandada məsləhətçi funksiyasını yerinə yetirəcək. Süleymanovla şəxsi münasibətləri yüksək səviyyədə olan Dzodzuaşvili həm baş məşqçiyə, həm də idarə heyətinə öz məsləhətləri ilə kömək edəcək: “O, təcrübəli mütəxəssisdir. Gənclərdən qurulmuş komandamız üçün bu cür mütəxəssisə ehtiyac var. Baş məşqçi ilə əl-ələ verib, komandanın daha yaxşı çıxış etməsinə çalışacaq. Onun səlahiyyətləri daha çox olacaq. Təcrübəsindən klubumuzun inkişafı üçün faydalanacağıq”.

Qeyd edək ki, 1976-cı ildən məşqçiliyə başlayan Dzodzuaşvili vətənində OİK, “Lokomotiv”, “Torpedo”, “Kolxeti”, “Metallurq”, “Olimpi” klublarında çalışıb. Ukraynada “Temp”, Rusiya “Alaniya”, “Uralan”, “Dinamo” (Mahaçqala), Qazaxıstanda “Şaxtyor” klublarına rəhbərlik edən çalışdırıcı 1998-99-cu illərdə Latviya, 2000-01-ci illərdə isə Gürcüstan milli komandalarının baş məşqçisi olub.

• Avropanın rəmzi komandası açıqlanıb
• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib
• Mərc qalmaqalı üzə çıxıb: İspaniyalı futbolçu saxlanılıb
• Fatih Terimin komandasında ayrılıq