Unibank Premyer Liqasının VII turu çərçivəsində sentyabrın 25-də keçiriləcək “Xəzər Lənkəran” - “Neftçi” oyunu canlı yayımlanacaq. “Unibank” Kommersiya Bankının mətbuat xidmətindən apasport.az saytına verilən məlumata görə, son illərin ən prinsipial rəqiblərinin Lənkəran şəhər mərkəzi stadionunda saat 19:00-da başlayacaq görüşünün birbaşa göstərilməsini “Unibank” və “Hyundai Auto Azerbaijan” şirkəti təmin edəcəklər. Bank və məşhur Cənubi Koreya istehsalı olan avtomobillərin rəsmi dilleri “İdman Azərbaycan” telekanalındakı canlı yayımının sponsorları oldular. 2004-cü ildən “Xəzər Lənkəran”la “Neftçi”nin bütün görüşləri ölkənin əsas derbisi sayılır və ənənəvi olaraq on minlərlə futbol azarkeşi tərəfindən səbirsizliklə izlənilir.

Qeyd edək ki, 2009-cu ildən “Unibank” Kommersiya Bankı Azərbaycanda Peşəkar Futbol Liqasının ilk rəsmi sponsorudur. Milli futbol və korporativ sektorun tarixində ilk dəfə olaraq, Bank öz üzərinə təkcə Liqa büdcəsinin maliyyələşdirilməsini deyil, həmçinin futbolun ölkədə populyarlaşdırılması, pleymeykerlərin stimullaşdırılması, habelə futbolun sosial anlayış kimi təbliğinə görə məsuliyyəti də öz üzərinə götürüb.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa