Bakının "Neftçi" komandasının futbolçusu Araz Abdullayevi transfer etməkdə israrlı olan İngiltərə "Everton" klubunun nümayəndələri sabah Bakıya gəlir. Apasport.az saytının məlumatına görə, Britaniya təmsilçisinin nümayəndəsi və bu komandada transfer məsələsi ilə məşğul olan menecer Bakıya gələrək, "Neftçi" rəhbərliyi ilə görüşəcək.

Tərəflər oyunçunun keçidi ilə bağlı şərtlərini müzakirə edərək ortaq məxrəc tapmağa çalışacaqlar. İngilislər ilkin şərtləri “Neftçi”yə göndərsə də, bakılıların prezidenti Sadıq Sadıqovun tapşırığı əsasında Abdullayevin mənafeyi nəzərə alınaraq, müqaviləyə müəyyən şərtlər əlavə olunub.

"Everton" nümayəndələri ilə görüşdə "Neftçi" rəhbərliyi müqavilənin detallarını müzakirə edəcək, öz şərtlərini irəli sürəcək. Əgər müzakirələr uğurla nəticələnərsə, yaxın vaxtlarda "Everton" rəhbərliyi paytaxtımıza səfər edərək, Araz Abdullayevin İngiltərə klubuna keçidi ilə bağlı rəsmi müqaviləyə imza atacaq.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ