“Çətin oyun oldu və bu cür görüşlərin taleyini 1 qol həll edir”. Apasport.az saytının xəbərinə görə, bunu “Neftçi” klubunun baş məşqçisi Arif Əsədov deyib.

Paytaxt təmsilçisi Unibank Premyer Liqasının cari mövsümündə ilk məğlubiyyətini aldı. Komanda VII turu çərçivəsində Lənkəranda yerli “Xəzər Lənkəran”a uduzdu. Oyundan sonra keçirilən mətbuat konfransında Əsədov bildirib ki, məğlubiyyəti faciəyə çevirmək fikrində deyil: “Oyun öncəsi Mirhüseyin Seyidov xəstələndiyindən meydana buraxa bilmədik. Bu məğlubiyyəti faciəyə çevirmirik. Qarşıda bizi uzun marafon gözləyir.
“Xəzər Lənkəran”ın standart vəziyyətlərdən yaxşı istifadə etdiyini bilirdik. Oyun ərzində yerli yersiz standartlar vəziyyətlər oldu və rəqib bundan yararlanıb, qapımıza qol vurdu”.

Qeyd edək ki, “Xəzər Lənkəran” “Neftçi”ni 1:0 hesabı ilə məğlub edib.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ