Bu gün futzal üzrə UEFA kubokunun elit-raundunun püşkatma mərasimi keçirilib. Apasport.az saytının məlumatına görə, yarışda ölkəmizi təmsil edən son Azərbaycan çempionu “Araz”ın da rəqibləri məlum olub.

İsveçrənin Nyon şəhərindəki püşkün nəticələrinə əsasən, “Araz” “VİZ-Sinara” (Rusiya), “Ararat” (Kipr), “Çitta de Montesilvano” (İtaliya) klubları ilə eyni qrupda yer alacaq. Naxçıvanlılar Rusiyada mübarizə aparacaqlar. Bu mərhələnin matçları noyabrın 20-28-də keçiriləcək.

Qeyd edək ki, təmsilçimiz əsas mərhələdə İrlandiyanın “Sportinq” (7:4), Latviyanın “Nikars” (7:2) və Rumıniyanın “Tirqu-Mureş” (3:1) klublarını məğlub etmişdi.

• Liqa 1: “Marsel”dən inamlı qələbə
• Premyer Liqa: "Arsenal"dan kritik xal itkisi, "Çelsi"dən darmadağın
• Turin derbisində qalib müəyyənləşmədi, "Milan"dan xal itkisi
• Bundesliqa: "Bayer"dən darmadağın, "Bavariya" xal itirdi
• La Liqada "Atletiko" qələbə qazandı, “Real Sosyedad” xal itirdi