“Neftçi”yə qarşı oynamayacağam. Çünki “Xəzər Lənkəran”la matçda mövsümdə dördüncü sarı vərəqə almışam”. Bu sözləri apasport.az saytına açıqlamasında “Gəncə” klubunun yarımmüdafiəçisi Ramal Hüseynov deyib.

Şənbə günü Unibank Premyer Liqasının X turu çərçivəsində baş tutacaq oyunda futbolçu komandasına kömək edə bilməyəcək. Sarı vərəqə limitini dolduran Hüseynov bu matçı buraxmaq məcburiyyətindədir. Ancaq o bu gün meydana çıxacaq. Belə ki, oyun təcrübəsi baxımından əziyyət çəkməməsi üçün yarımmüdafiəçi əvəzedici komandaya qoşulub: “Əvəzedici komanda ilə Bakıya gəlmişəm. Həftəsonunu boş keçirməmək üçün onlara kömək edəcəyəm. Yəni sabah “Neftçi”nin əvəzedici komandasına qarşı forma geyinəcəm”.

Ancaq futbolçu keçmiş komandasına qarşı forma geyinməməsinə təəssüflənir: “Xəzər Lənkəran”dan da çox “Neftçi” ilə oyuna hazırlaşırdım. Öz sözümü deməli idim. Mövsümün əvvəlindən bu oyunla yaşayırdım. Ancaq “Xəzər Lənkəran”la oyunda heç nədən sarı vərəqə aldım və cəzalı duruma düşdüm. Görünür, qismət deyilmiş. Bu “Neftçi” ilə sonuncu oyunumuz deyil. Hələ onlarla ən azı bir dəfə də qarşılaşacağıq”.

• “Barsa”da istənmədi, PSJ-də “Qızıl Top”u qazandı!
• İlin ən yaxşı kollektivi açıqlandı - TARİXDƏ İLK DƏFƏ
• “Lev Yaşin” mükafatının qalibi bəlli olub
• Luis Enrike zirvədə: Dünyanın ən yaxşı baş məşqçisi seçildi
• Dünyanın ən yaxşı gənci yenə Yamal seçildi