Sülhsevər bakılılar: “Neftçi” Sadıqovun istefasından sonra “İnter”ə uduzmur

05.11.2010 - 11:52

Bakının “Neftçi” və “İnter” klubları tarixlərində 22-ci dəfə görüşəcək. Apasport.az saytının hesablamalarına görə, paytaxt təmsilçilərinin qarşıdurması daha çox sülhlə nəticələnib - 8 dəfə. Bu heç-heçələr bir qayda olaraq 0:0, 1:1 və 2:2 olub. Qalan 13 oyundan 7-də “İnter”, 6-da “Neftçi” qalib gəlib. Balansda az da olsa üstünlüyə malik “bankirlər” ölkə kubokunda tam üstünlüyə malikdir. Belə ki, komandaların turnirdə hər 3 görüşü “İnter”in mərhələ keçməsi ilə nəticələnib. Özü də “Neftçi” həmin 6 oyunda 1 qələbə qazana bilməyib.

Bakı derbisinin iştirakçıları ötən mövsüm 6 dəfə üzləşib ki, bu, həm kubokda, həm də “altılıq”da rəqib olmaları ilə bağlı idi. Həmin oyunların yalnız birində qalib gələn “ağ-qaralar” daha çox uduzaraq, kubokda da mübarizəni dayandırdılar.

“Neftçi” “İnter”lə ilk olaraq səfər oyunlarında daha yaxşı çıxış edirdi. Təsadüfi deyil ki, ilk iki qələbə rəqib meydanında qazanılmışdı. Flaqman son qələbəsinə də “İnter”in meydanında sevinib. “Neftçi” çempionatda son üç oyunda həmşəhərlilərinə yenilmir. Sonuncu məğlubiyyət isə Vaqif Sadıqovun istefası ilə nəticələnən görüş olub.

“Neftçi” və “İnter” klubları arasında oyunlar

2004/05 mövsümü
“İnter” – “Neftçi” – 2:1
“Neftçi” – “İnter” – 1:1

Azərbaycan kuboku, 1/4 final mərhələsi
“Neftçi” – “İnter” – 0:0
“İnter” – “Neftçi” – 0:0 (penaltilərlə - 4:3)

2005/06 mövsümü
“Neftçi” – “İnter” – 1:1
“İnter” – “Neftçi” – 0:1

2006/07 mövsümü
“Neftçi” – “İnter” – 0:1
“İnter” – “Neftçi” – 0:1

2007/08 mövsümü
“İnter” – “Neftçi” – 0:0
“Neftçi” – “İnter” – 2:0

Azərbaycan kuboku, yarımfinal
“Neftçi” – “İnter” – 2:2
“İnter” – “Neftçi” – 1:0

2008/09 mövsümü
“Neftçi” – “İnter” – 1:3
“İnter” – “Neftçi” – 2:2

2009/10 mövsümü
İlkin mərhələ
“Neftçi” – “İnter” – 2:1
“İnter” – “Neftçi” – 1:0

Final mərhələsi
“İnter” – “Neftçi” – 1:1
“Neftçi” – “İnter” – 1:0

Azərbaycan kuboku, 1/4 final mərhələsi
“Neftçi” – “İnter” – 0:3
“İnter” – “Neftçi” – 2:1

2010/11 mövsümü
“İnter” – “Neftçi” – 0:2