Fərid Quliyev: Nə yatdım ki, nə yuxu görəm

01.12.2010 - 12:21

“Neftçi”nin transferə çıxardığı Fərid Quliyev bu komandada 10 oyun keçirib. Apasport.az saytının məlumatına görə, yayda böyük ümidlərlə transfer olunan 24 yaşlı hücumçu cəmi 3 dəfə start heyətində yer alıb.

Komandadakı bütün oyunlarını çempionatda keçirən Fərid daha səviyyəli ön xətt oyunçuları Bahodir Nasimovla Emil Mpenzanın kölgəsində qaldı. Azərbaycan yığmasının üzvü elə bu səbəbdən də “ağ-qaralar”ın heyətində cəmi 1 qol vurub. Bu da Unibank Premyer Liqasının aşkar autsayderi MOİK-lə matça təsadüf edib.

Əslində, ötən mövsümün ən yaxı bombardiri olan Quliyev elə həmin vaxtda gücünün zəiflərə çatdığını göstərmişdi. Autsayder “Karvan” və bütün iddialarını itirərək baş məşqçi və legionerlərinə “əlvida” deməyə qərarlı olan “Simurq”la matçlarda 7 qol vuran Fərid məhz bunun sayəsində bombardir adını qazanmışdı. Elə “Neftçi” rəhbərliyi də bombardirliyinə baxıb, onu transfer etmiş, bu qolları kimə vurduğunun fərqinə varmamışdı.

Tur	Tarix	Rəqib	Hesab	Meydan	Dəqiqə	Start heyətində	Qol	Vərəqə
2	15.02.2010	“Qəbələ”	2:0	S	10			1
3	21.08.2010	“Simurq”	4:0	E	37	1
4	28.08.2010	“İnter”	2:0	S	6
5	14.09.2010	“Muğan”	1:0	E	35
6	18.09.2010	MOİK	4:0	S	90	1	1
7	25.09.2010	“Xəzər Lənkəran”	0:1	S	1
8	01.10.2010	AZAL	1:0	E	1
9	17.10.2010	“Turan”	2:2	S	90	1
10	23.10.2010	“Gəncə”	2:0	E	12
14	21.11.2010	“Qəbələ”	0:0	E	4
		10 oyun			286	3	1	1