FİFA dekabrın 15-də milli komandaların növbəti reytinq siyahısını açıqlayacaq. Apasport.az saytının məlumatına görə, hazırda dünyanın 90-cı komandası olan Azərbaycan yığması başa çatmaqda olan Qaban ilinin son siyahısında geriləyəcək.

Buna millimizin reytinqdəki xal hesabının azalması səbəb olacaq. Noyabrın 17-də açıqlanan siyahıda 381 xalı olan Berti Foqtsun yetirmələri futbol tariximizin ən yüksək zirvəsinə - 90-cı pilləsinə qalxmışdı. Lakin dekabrın 15-də yığmamızın hesabında daha az – təxminən 344 xal olacaq.

4 həftə ərzində 37 xal geri düşməyimiz isə heç də səbəbsiz deyil. Belə ki, bu il noyabrın 17-də baş tutan yoldaşlıq oyununda komandamız Çernoqoriyaya 0:2 hesabı ilə uduzub. Bu matçla yanaşı, daha 4 qarşılaşma reytinqdə xal itirməyimizə səbəb olub. Bunlardan ikisi 2007-ci ilin noyabrına təsadüf edib. Belçika və Finlandiyaya məğlubiyyətlərin daha da köhnəlməsi, əslində xeyrimizədir. Lakin 2008-ci ilin Albaniya ilə heç-heçəsi və Çexiya üzərində ötənilki qələbənin illər keçdikcə köhnəlməyi isə yığmamıza zərbə vurub.

Yeni reytinqdə 344 xallı yığmanın hansı mövqedə olacağını əminliklə söyləmək olmaz. Lakin son siyahıda 96-cı olan Sudanın məhz bu qədər xalı var idi.

• “Beşiktaş” Tammi Abrahamla yolları ayıra bilər
• UEFA-dan Ukraynaya sərt cəza - 34 min avro
• Flik: "Tezliklə onu "Barselona"nın kapitanı kimi görəcəyik"
• "Tottenhem" heyətini yeni müdafiəçi ilə gücləndirmək istəyir
• “Real Betis”ə Amrabat şoku: "Barselona" matçını buraxacaq