Rusiyanın “Anji” klubunun baş məşqçisi Hacı Hacıyev azərbaycanlı futbolçunu fərqləndirib. Apasport.az saytının məlumatına görə, dağıstanlı mütəxəssis keçirilən sorğuda “Saturn”un yarımmüdafiəçisi Emin Mahmudovu 1-ci yerə layiq görüb.

Bu, Rusiyada ən yaxşı gənc futbolçunun müəyyənləşməsi ilə bağlı keçirilən anket sorğu zamanı olub. Orada yaşı 20-dən çox olmayan futbolçular göstərilməli idi.
Emin Rusiya vətəndaşı olsa da, Lənkəranda doğulub, yığmamızda oynayıb, sonradan ailəsi ilə birgə Moskvaya köçüb. 1992-ci il aprelin 27-də anadan olan həmyerlimiz 116 xalla 3-cü olub. Hacıyevdən başqa, 17 nəfər Emini ən yaxşı gənc futbolçu kimi göstərib.

Onlar arasında “Saturn”dakı çalışdırıcısı Andrey Qordeyevlə yanaşı, Rusiya Futbol İttifaqının vitse-prezidenti Sergey Kapkov, yığmanın sabiq baş məşqçisi Boris İqnatyev, “Spartak”ın baş məşqçisi Valeri Karpin, “Zenit”in məşqçisi İqor Simutenkov, tanınmış rusiyalı şərhçi Vasili Utkin var.

• Liqa 1: “Marsel”dən inamlı qələbə
• Premyer Liqa: "Arsenal"dan kritik xal itkisi, "Çelsi"dən darmadağın
• Turin derbisində qalib müəyyənləşmədi, "Milan"dan xal itkisi
• Bundesliqa: "Bayer"dən darmadağın, "Bavariya" xal itirdi
• La Liqada "Atletiko" qələbə qazandı, “Real Sosyedad” xal itirdi