Rusiyada keçiriləcək “Birlik kuboku”nda Bakının “İnter” klubunun rəqibi olan Tacikistan çempionu “İstiqlal”ın yarışa hazırlıq planı müəyyənləşib. Apasport.az saytının məlumatına görə, Düşənbə təmsilçisi turnir ərəfəsində son hazırlığını Kazanda keçirəcək.

Mövsümün başa çatması ilə əlaqədar qısa müddətli fasiləyə yollanan “İstiqlal” məşqlərə dekabrın 20-də başlayacaq. Düşənbədəki hazırlıqlar yeni ilə kimi davam edəcək. Bundan sonra 3 günlük istirahətə buraxılacaq futbolçu və məşqçi heyəti gələn il yanvarın 3-də Rusiyaya yollanacaq. Kazanda təlim-məşq toplanışı keçəcək rəqib orda bur neçə yoxlama oyununda qüvvəsini sınayacaq.

Qeyd edək ki, “İnter” və “İstiqlal” gələn il yanvarın 14-23-də Sankt-Peterburqda keçiriləcək sayca XIX turnirdə A qrupunda mübarizə aparacaqlar.

• Messi “Kamp Nou”nu ziyarət edib
• “Atletiko” “Real”ın müdafiəçisi ilə maraqlanır
• Azarkeşlər Neymarı fitə basıb
• Türkiyədə televiziya binasına silahlı basqın olub
• Qvardiola karyerasının 1000-ci oyununa çıxıb