“Oyun çox çətin keçdi. Düşünürəm ki, hesab ədalətli oldu”. Bu sözləri apasport.az saytına açıqlamasında “Qəbələ” klubunun müdafiəçisi Lyubo Baranin deyib.

Premyer Liqanın XVIII turunda AZAL-la qarşılaşan əyalət təmsilçisi oyuna yaxşı başladı. Artıq 2-ci dəqiqədə hesabı açan Toni Adamsın yetirmələri ilk yarının ortalarında daha bir qol vurdu. Fasilə ərəfəsində rəqibin hesab arasındakı fərqi minimuma endirməsinə mane ola bilməyən “qırmızı-qaralar” ikinci hissədə çox zəif təsir bağışlayıb. Buna görə də, son dəqiqələrdə hesab bərabərləşib.

Paytaxtdan bir xalla ayrılan Qəbələ təmsilçisi ilk “altılıq”dakı yerini möhkəmlədib. Elə Baranin də bunu deyib: “Hazırkı durumumuzdan məmnunuq. Komandamız ilk “altılıq”da yer alıb. Əslində, qol vurmaq üçün şanslarımız yenə oldu, istifadə edə bilmədik”.

Oyundan sonra AZAL-ın kapitanı Aqil Nəbiyevlə aralarında yaranan qalmaqala gəlincə, Baranin bunun anlaşılmazlıq üzündən baş verdiyini vurğulayıb: “Bu haqda heç nə danışmaq istəmirəm. Meydanda hər şey olur. Bunu qabartmağın mənası yoxdur”.

Uzun aut atışları barədə də danışan əcnəbi futbolçu bunu özünün silahı adlandırıb: “Bunun üzərində çox işləyirəm. Uzun aut atışları mənim ən yaxşı silahımdır”.

• Duran Rusiya yolunda
• İsveç millisinin üzvü “Qalatasaray”a keçə bilər
• "Anderlext"də ayrılıq
• Ter Ştegen sıradan çıxdı - "Barselona"ya qayıda bilər
• "Yuventus" hücumçu transferini bitirmək arzusunda