“Qarabağ”dan 45 dəqiqəlik darmadağın

22.01.2011 - 21:46

Bu gün “Qarabağ” klubu Türkiyənin Antalya şəhərində növbəti yoxlama oyununu keçirib. Apasport.az saytının məlumatına görə, Qurban Qurbanovun çalışdırdığı komandamız Türkiyənin aşağı divizionunda oynayan “Erdemirspor” klubunu darmadağın edib – 8:0. Qolların yarısını Rauf Əliyev (19, 22, 25, 39-ci dəqiqələr) vurub. Georgi Adamiya (11), Rəşad Sadiqov (14), Elvin Məmmədov (35), Vüqar Nadirov (43) hərəyə bir dəfə fərqləniblər.
Ancaq bu, 45 dəqiqəlik görüş olub. Belə ki, “Qarabağ” 2-ci hissədə öz arasında oynayıb. İlk hissədə heyəti dəyişməyən komandaya qarşı digər futbolçulardan qurulmuş komanda 45 dəqiqə mübarizə aparıb.

Mənbə: qarabagh.com