Meksikanın “Paçuka” klubunun rəhbərliyi qeyri-adi qərar qəbul edib. Apasport.az saytının məlumatına görə, şimali amerikalılar heyətin istisnasız olaraq bütün futbolçularını transferə çıxarıb. Buna komandanın uğursuz çıxışları səbəb olub. Ötən mövsüm CONCACAF Çempionlar Liqasının qalibi olan “Paçuka” hazırda Meksika çempionatında 13-cü pillədə qərarlaşıb.

Klub rəhbərliyi bu tip islahatın hamının qovulması kimi qələmə verilməsi fikri ilə razı deyil. Onlar bildiriblər ki, bütün futbolçuların “Paçuka”dan ayrılması vacib şərt deyil. Sadəcə, komandada oynamaq istəməyənlər özlərinə yeni klub tapa bilər.

• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu