“Barselona”nın argentinalı lideri Lionel Messi sabah karyerasında növbəti uğura imza ata bilər. Apasport.az saytının məlumatına görə, 24 yaşlı hücumçu “Mançester Yunayted”lə final matçında tək Çempionlar Liqasının (ÇL) qalibi olmağa yox, həm də növbəti şəxsi rekordunu rəsmiləşdirməyə çalışacaq.

Bu da ÇL-də bir mövsümdə ən çox qol vurmaqla bağlıdır. İndiyədək bu rekord “Mançester Yunayted”in hollandiyalı sabiq hücumçusu Rud van Nistelroya məxsusdur. Təcrübəli futbolçu hələ 2002/03 mövsümündə bu komandanın heyətində Avropanın ən nüfuzlu turnirində 12 qol vurub ki, bu da artıq 8 ildir rekord sayılır.

Turnirin cari mövsümündə 12 oyunda 957 dəqiqə forma geyinən Lionel 11 qol vurub. Messi sabah 1 qol vurarsa, van Nistelroyun rekorduna şərik, 2 dəfə fərqlənərsə, yeni rekordçu olacaq. İngiltərə klubunun bombardiri isə hesabında 4 qol olan meksikalı hücumçu Xavyer Ernandesdir.

“Barselona” ÇL-in bu mövsümündə 27, “Mançester Yuneyted” 18 dəfə rəqib qapısına yol tapıb. Qol buraxmaq sayında isə üstünlük ingilislərin tərəfindədir – 4:8. “Barsa” orta məhsuldarlıqda (2,25), “Mançester Yunayted” isə az qol buraxmaqda (0,33) turnirin ən yaxşı komandasıdır.

• La Liqada ayın futbolçusu bəlli oldu
• Roland Şallai rəsmən “Qalatasaray”da
• "Beşiktaş" daha bir legioneri ilə yollarını ayırdı
• Premyer Liqanın ən yaxşı oyunçusu seçildi
• Təzyiqlərə dözmədi: "Qalatasaray"da şok istefa