Kamerun yığmasının kapitanı Samuel Eto’O karyerasını Rusiyada davam etdirməyə razılıq verib. Apasport.az saytının məlumatına görə, “İnter”in 30 yaşlı futbolçusu bu il gurultulu transferlərlə diqqət çəkən “Anji” ilə 3 illik müqavilə bağlamağa hazır olduğunu bildirib.

“Anji”nin nümayəndələrinin Milan klubun rəhbərliyi və Samuellə görüşü müsbət nəticələnib. Hücumçunun şəxsi müqaviləsinin detalları ilə bağlı razılıq əldə olunub.

Tərəflər qarşıdakı günlərdə danışıqların 2-ci mərhələsini edəcəklər. Bu zaman “İnter”lə “Anji” Samuelin transferinin həllini bitirməyi planlaşdırırlar. Eto‘O-nun Mahaçqala təmsilçisi ilə bağlayacağı 3 illik müqaviləyə görə məvacibi 20 milyon avro təşkil edəcək.

Qeyd edək ki, məşhur braziliyalı futbolçu Roberto Karlosu alaraq, kapitan təyin edən “Anji”nin məşqçilərindən biri həmyerlimiz Vaqif Sadıqovdur.

• “Çelsi”nin müdafiəçisi La Liqaya qayıda bilər
• TFF prezidenti: “Montella ilə yolumuza davam edəcəyik”
• “Liverpul” sabiq futbolçusunu geri qaytarmaq istəyir
• İstanbul derbisi bu kanalda - TV AFİŞA
• Braziliya millisinin üzvü karyerasını başa vurub