Daunoraviçius AZAL-ı ümidləndirdi

22.11.2011 - 18:36

Ötən həftə zədələnən AZAL-ın litvalı legioneri Mindauqas Daunoraviçius artıq heyətə qayıdıb. Apasport.az saytının məlumatına görə, məşq zamanı xəsarət alan müdafiəçi qısa sürən müalicə prosesindən sonra bu gündən fərdi məşqlərə başlayıb.

Klubun həkimlərinin razılığına əsasən o 2 gündən sonra kollektivlə birgə hazırlıq keçəcək. Hətta Mindauqasın növbəti turda “İnter”lə baş tutacaq oyuna kimi tam hazır olacağı da istisna olunmur.

Qeyd edək ki, AZAL Daunoraviçius bu ilin yayında AZAL-a transfer olunmuşdu.