Premyer Liqanın XV turunun “Simurq”la oyununda ölkə çempionatları tarixində 1000-ci qolunu vuran “Neftçi”nin düşərgəsində daha 2 yubiley qeydə alınıb. Apasport.az saytının məlumatına görə, Araz Abdullayevin hesabı açmaqla 1000-ci qolu vurması, digər 2 yubileyi kölgədə qoyub.

Bunlar futbolçularla bağlı göstəricilərdir. Komandanın kapitanı Rail Məlikov Premyer Liqada 200-cü oyununu keçirib. Azərbaycan çempionatlarında “Bakılı”, “Bakı” və “Neftçi”nin şərəfini qoruyan müdafiəçi əvvəllər daşıdığı Ramil Mirzəyev ad-soyadı və indiki ad-soyadı ilə üst-üstə 200 çempionat matçının iştirakçısı olub.

Bu matçlarda 2 qol vuran futbolçu təkcə “Neftçi”də 103 qarşılaşmanın iştirakçısı olaraq, 1 dəfə fərqlənib.

Digər yubiley isə “Turan”ın yetirməsi Cavid Hüseynovla bağlıdır. “İnter” və “Olimpik”də də oynamış yarımmüdafiəçi “ağ-qara” formada 50-ci çempionat matçını keçirib. O, bu görüşlərdə 3 qol vurub.

VÜQAR XEYRULLAYEV

• Rafael Markez Meksika millisində - RƏSMİ
• Günün canlı yayımlanacaq matçları - TV AFİŞA
• İngiltərə çempionu III LİQADA!
• Ardadan assist, Mbappedən qol, "Real"dan 3 xal
• Fransa kuboku: "Lans" finalda!