“Xəzər Lənkəran” və AZAL-dan böyük hesablı qələbələr

16.12.2011 - 17:51

Bu gün Premyer Liqada XVII turun 3 oyunu keçirilib. Apasport.az saytının məlumatına görə, qarşılaşmalar məhsuldarlığı ilə diqqət çəkib.

Belə ki, yalnız “Qarabağ”la “Rəvan”ın görüşündə 2 qol vurulub. Əfran İsmayılovun dublu ilin Quzanlıdakı son oyununda Ağdam təmsilçisinə qələbə qazandırıb.

Günün digər 2 matçı daha qollu olub. Gəncədə baş tutan görüşdə “Kəpəz” “Xəzər Lənkəran” qarşısında aciz qalıb. Buraxılan ilk qola erkən cavab verməsinə baxmayaraq, meydan sahibləri qonaqların təzyiqinə tab gətirməyib. Ardıcıl 2-ci dəfə 1:4 hesabı ilə uduzan “Kəpəz”in rəqibi 5 oyunluq qələbəsizlik seriyasına son qoyub.

Bu matçlar başa çatandan sonra meydana çıxan AZAL ötən tur “Neftçi”dən aldığı 1:7 hesablı darmadağının əvəzini “Simurq”dan çıxıb. Bakılılar 5:1 hesabı ilə qalib gəlməklə, mövqelərini xeyli yaxşılaşdırıblar.

16 dekabr

AZAL - "Simurq" - 5:1
QOLLAR: Elşən Məmmədov, 16; Zohair Benouahi, 18 (p.); Tales Şütz, 49; 53; Georgi Bogihu, 90+1 - Robertas Poşkus, 68
Hakimlər: Anar Salmanov, Azər Əsgərov, Zeynal Zeynalov, Rəhim Həsənov.
Bakı. "AZAL Arena" stadionu.
Bakıdakı oyunlarının balansı: 6 oyun: +3=1-2 (6-6).
2006/07 – 3:0, 2007/08 – 1:0, 2008/09 – 0:2, 2009/10 – 0:3 (təsnifat), 0:0 (“altılıq”), 2010/11 – 2:1 (təsnifat).
İlk dövrədəki oyun – 3:0.

"Qarabağ" - "Rəvan" - 2:0
QOLLAR: Əfran İsmayılov, 72, 76(p.)
Hakimlər: Fariz Yusifov, Mübariz Haşımov, Coşqun Həsənov, Hacıəli Ağayev.
Ağdam. Quzanlı qəsəbə Olimpiya İdman Kompleksinin stadionu.
Komandalar Ağdamda ilk dəfə görüşəcəklər.
İlk dövrədəki oyun – 1:1.

"Kəpəz" - "Xəzər Lənkəran" - 1:4
QOLLAR: Dmitri Parxaçov, 7 - Deyan Rusiç, 1; Branimir Subaşiç, 44 (p.); Julius Vobay, 65; Zahid Quluyev, 89
Qırmızı vərəqə: Milan Antiç, 42
Hakimlər: Əliyar Ağayev, Munis Abdullayev, Rahil Ramazanov, Rövşən Əhmədov.
Gəncə. Şəhər stadionu.
Gəncədəki oyunların balansı: 3 oyun: +1=0-2 (5-4).
2004/05 – 0:1, 2005/06 – 1:2, 2010/11 – 4:1 (təsnifat).
İlk dövrədəki oyun – 0:1.

	Komanda	O	Q	H	M	Qollar	Xallar
1	Neftçi	16	11	1	4	34-14	34
2	Xəzər Lənkəran	17	9	5	3	24-17	32
3	İnter	16	8	6	2	13-8	30
4	Bakı	17	8	5	4	23-13	29
5	Qarabağ	17	8	4	5	20-14	28
6	Qəbələ	17	7	4	6	18-19	25
7	AZAL	17	6	5	6	25-25	23
8	Simurq	17	5	4	8	18-25	19
9	Rəvan	17	4	7	6	18-21	19
10	Kəpəz	17	4	4	9	21-32	16
11	Sumqayıt Şəhər	17	3	3	11	12-23	12
12	Turan	17	3	2	12	10-25	11