Premyer Liqanın XVII turunun “Kəpəz”lə oyunu “Xəzər Lənkəran”ın gənc futbolçusu Zahid Quliyev üçün əlamətdar olub. Apasport.az saytının məlumatına görə, 19 yaşlı müdafiəçi Gəncədəki matçda sonuncu qolu vurmaqla həm komandasının böyük hesablı qələbəsini (4:1) rəsmiləşdirib, həm də onun heyətində qol hesabını açıb.

Bununla da Quliyev Lənkəran klubunun tarixində qol sevinci yaşayan 72-ci futbolçu olub. Bu oyunçulardan 45-in legioner olduğunu nəzərə alsaq, Zahid 27-ci azərbaycanlıdır ki, “Xəzər Lənkəran”ın formasında qol sevinci yaşayır.

Qeyd edək ki, cənub təmsilçisinə 72 futbolçusu ilə yanaşı, daha 5 rəqib oyunçu qol sevinci yaşadıb. Onlar avtoqol müəllifi olublar.

Mənbə: lankaranfc.com

• “Barsa” Braziliya millisinin üzvü ilə müqavilə yeniləyəcək
• Super Liqanı A Seriyasına dəyişə bilər
• İtaliyalı baş məşqçi “Əl-Hilal”ın təklifini rədd etdi
• Liqa 1 təmsilçisində ayrılıq
• “Everton” malili futbolçu ilə yollarını ayıracaq