Kiyev “Dinamo”sunun və SSRİ yığmasının əfsanəvi qapıçısı Yevgeni Rudakov vəfat edib. Apasport.az saytının məlumatına görə, veteran futbolçu bu gün 70 yaşında dünyasını dəyişib. Yevgeni karyerasında əsas uğurları “Dinamo”nun heyətində qazanıb. Belə ki, qapıçı 7 dəfə SSRİ çempionu, 3 dəfə SSRİ kubokunun qalibi olub. Rudakov Kiyev klubunun heyətində 1975-ci ildə Kuboklar kubokunun və UEFA Superkubokunun qalibi olub. Ukraynalı 1971-ci ildə SSRİ-nin ən yaxşı futbolçusu və qapıçısı adına layiq görülüb.

Yevgeni 1972-ci ildə SSRİ yığmasının heyətində 1972-ci ildə Olimpiadanın bürünc medalını və Avropa çempionatının gümüş mükafatını qazanıb. O, sonuncu yarışda əfsanəvi hücumçumuz Anatoli Banişevski ilə komanda yoldaşı olub.

Qeyd edək ki, qapıçı ilə vida mərasimi dekabrın 23-də saat 11:00-da Kiyevdə olacaq.

• Murat Sancak: “Məni nə Ali Koç, nə də Türkiyənin ən zəngin adamı ala bilər”
• “Liverpul” kubokdan kənarda qaldı
• Okan Buruk: “Birdən-birə kimsə zəng edir və komanda meydançadan çəkilir”
• “Qalatasaray” matçında skandal: ANONS VERİLDİ, Ləğv olundu
• Şimanski “Fənər”in TARİXİNƏ DÜŞDÜ