Yunanıstan mətbuatı Araz Abdullayevi dəyərləndirdi

05.01.2012 - 13:03

Azərbaycan yığmasının futbolçusu Araz Abdullayev Yunanıstan çempionatında debüt etməklə, özü haqda müsbət fikir formalaşdırıb. Apasport.az saytının məlumatına görə, “Panionios” klubunun 20 yaşlı yarımmüdafiəçisi “Asteras Tripolis”lə qarşılaşmadan sonra həmkarlarımızdan yüksək qiymət alıb.

Komandasının 2:0 hesabı ilə qalib gəldiyi görüşün 62-ci dəqiqəsində meydana daxil olan Arazın oyununu bir neçə cümlə ilə dəyərləndirən yunanlar ondan razı qalıblar: “Panionios”un bu gənc futbolçusu yaxşı oyunçudur. Sürətlidir. Belə təsəvvür yaranır ki, səviyyəli futbolçudur”.

Qeyd edək ki, Araz İngiltərənin “Everton” klubundan 6 aylıq Superliqa təmsilçisinə icarəyə verilib.