Azərbaycanın U-19 millisinin baş məşqçisi Vəli Qasımov Rusiyanın Sankt-Peterburq şəhərində Valentin Qranatkinin xatirəsinə həsr olunmuş turnirin sonuncu oyunundan sonra fikirlərini bildirib. Apasport.az saytının məlumatına görə, Qasımov nəticədən narazı qaldığını açıqlayıb: “Bütün turnir bizim üçün çətin keçdi. Amma bizim uğursuzluğumuza səbəb də var: biz bura eksperimental heyətlə gəlmişdik. Məqsədimiz yeni futbolçuları sınaqdan keçirmək idi”.

Onun fikrincə, bütün xətlər üzrə yeni futbolçulara ehtiyac var: “Bu, həmçinin qapı xəttinə aiddir. Bu futbolçularla Avropada oynamaq olmaz. Komandanın heyətinin yarısı dəyişməlidir”.

Qeyd edək ki, millimiz 11-ci yer uğrunda oyunda latviyalı həmyaşıdlarına 1:2 hesabıyla uduzaraq yarışda sonuncu yeri tutub.

• "Real" son dəqiqədə xal itirdi: Çempionluq gedir
• "Napoli"dən qələbə: 2-ci yerə yüksəldilər
• "Bavariya"da Noyerin taleyinə aydınlıq gəldi
• Super Liqa: "Başakşəhər"dən darmadağın
• De Liqt məşqlərə start verdi