“Benfika” və MOİK-in oyunçuları Azərbaycana qarşı

11.01.2012 - 10:24

Futzal üzrə Avro-2012-nin final mərhələsində Azərbaycan milli komandasının rəqibi olan Portuqaliya yığmasının heyəti açıqlanıb. Apasport.az saytının məlumatına görə, pireneylilərin baş məşqçisi Jorje Braz 14 nəfərlik heyətdə yer alan futbolçuların adlarını keçirdiyi mətbuat konfransında açıqlayıb.

Yanvarın 31-dən fevralın 11-dək Xorvatiyada keçiriləcək yarışda Portuqaliya yığmasının şərəfini Andre Souza (“Akademika”), Arnaldo Pereyra, Bebe, Bruno Koelyo, Qonsalo, Joel Kugyroş, Marinyo, Rikardinyo (hamısı “Benfika”), Kardinal (MOİK, Rusiya), Rikardo Fernandeş (“Freyşeyru”), Joao Benedito, Joao Matoş, Paulinyo və Pedro Kari (hamısı “Sportinq”) qoruyacaq.