Meydan sahiblərinə yarımfinalda yer olmadı
06.02.2012 - 10:08
Meydan sahiblərinə yarımfinalda yer olmadı
Afrika Millətlər Kubokunda 1/4 final mərhələsinin oyunları keçirilib. Apasport.az saytının məlumatına görə, baş tutan qarşılaşmalardan sonra yarımfinalçıların adlarına aydınlıq gəlib.

Zambiya və Fil Dişi Sahili yığmaları 1/4 final səddini darmadağınla aşıblar. Mali və Qana millisinin işi isə nisbətən çətin olub. Bu qarşılaşmalardan sonra çempionatın meydan sahibləri Qabon və Ekvatorial Qvineya medallar uğrunda mübarizəni dayandırıb.

Zambiya – Sudan – 3:0
Fil Dişi Sahili – Ekvatorial Qvineya – 3:0
Qabon – Mali – 1:1, penalti ilə - 4:5
Qana – Tunis – 2:1, əlavə vaxtda

Qeyd edək ki, fevralın 8-də baş tutacaq yarımfinal oyunlarında Zambiya – Qana, Mali - Fil Dişi Sahili cütləri qarşılaşacaq.