“Xəzər Lənkəran”ın baş məşqçisi postunda cari mövsümdə 2-ci istefa da “İnter”lə oyundan sonra reallaşıb. Apasport.az saytının məlumatına görə, “bankirlər” rumıniyalı Mirça Rednikin ardınca türkiyəli Cüneyt Biçəri də istefaya göndərib. Lənkəranlılar Premyer Liqanın XV turunda ötən ilin dekabrın 5-də evdə “İnter”ə 0:1 hesablı məğlubiyyətdən sonra Redniklə yollarını ayırdı. Dərhal baş məşqçi postuna gətirilən Biçər də həmin rəqiblə oyundan sonra gedəsi oldu. Fərq ondadır ki, bu, Azərbaycan kubokunun ¼ final mərhələsində “İnter”lə səfər matçı idi. “Şəfa” stadionunda keçirilən ilk oyunda lənkəranlılar 2:3 hesabı ilə uduzdu.

Ümumiyyətlə, “İnter” bundan öncə də cənub klubunda baş məşqçini dəyişdirib. Bu, 2005/06 mövsümünün əvvəlində çempionatda Tofiq Bəhramov adına Respublika stadionunda 0:2 hesablı məğlubiyyətdən sonra gerçəkləşdi. Maraqlıdır ki, onda da türkiyəli mütəxəssis – Rasim Kara paytaxtdakı məğlubiyyətdən sonra vəzifəsindən getdi. Düzdür, Kara 3 il sonra “Xəzər Lənkəran”ın “sükanı arxası”na qayıtdı ki, onda gedişi daha tez oldu.

• “Sportinq”də yeni müqavilə - RƏSMİ
• Günün oyunları bu kanallarda - TV AFİŞA
• Acun Ilıcalının komandası pley-offda
• Karvahal sıradan çıxdı
• “Real”ın ən yaxşısı: ARDA GÜLER