Bu gün Premyer Liqanın XXIV turunda 4 oyun keçirilib. Apasport.az saytının məlumatına görə, Zaqatalada açılışı edilən tura bu gün yekun vurmalı olan “Xəzər Lənkəran” – “Bakı” matçı hava şəraiti ilə əlaqədar sabaha təxirə salınıb. Nəticədə bu gün ilk və ikinci “altılıq”da, paytaxtda və əyalətdə hərəyə 2 oyun olub.

Turun mərkəzi oyununda lider dəyişikliyi baş verə bilərdi. Lakin bu, “İnter”in “Neftçi”yə cari mövsümdə 3-cü matçda da qalib gələcəyi halda reallaşacaqdı ki, “ağ-qaralar” da buna imkan verməyiblər. Onlar təsnifat mərhələsində 2 məğlubiyyətdən birinin əvəzini çıxmaqla, “İnter” sindromunun üstündən xətt çəkiblər.

“İnter”in büdrəməyindən onun ən yaxın izləyicisi “Qarabağ” lazımınca istifadə edə bilməyib. Belə ki, Qurban Qurbanovun yetirmələri də evdə “Qəbələ” ilə görüşdə 2 xal itiriblər. Lakin buna baxmayaraq, Ağdam təmsilçisi fərqi 3 xala çatdırıb.

İkinci “altılığ”ın liderliyi uğrunda mübarizədə “Rəvan” AZAL-la gücünü yoxlayıb və qalib gələrək, rəqibini qabaqlayıb. “Kəpəz” “Sumqayıt”la 3-cü matçında onu tarixində ilk dəfə məğlub edib. Bu qələbə isə darmadağınla gəlib.

18 mart

16:00. “İnter” – “Neftçi” - 1:2
QOLLAR: Bronislav Çervenka, 45 - Slavço Georgiyevski, 3; Ruslan Əmircanov, 75
Hakimlər: Fariz Yusifov, Yaşar Abbasov, Vaqif Musayev, Rəhim Həsənov
Bakı. “Şəfa” stadionu
Təsnifat mərhələsində oyunlar – 1:0, 1:0

16:00. “Rəvan” – AZAL - 2:0
QOLLAR: Ekrem Hodziç, 18; Taqim Novruzov, 42 (pen)
Hakimlər: Alik Yunusov, Ramiz Əsədov, İsgəndər Əliyev, Teymur Fərhadov
Bakı. “Dalğa Arena” stadionu
Təsnifat mərhələsindəki oyunlar – 2:1, 3:1

“Kəpəz” – “Sumqayıt” - 4:1
QOLLAR: Yuri Fomenko, 3; 24; Bədavi Hüseynov, 18 (öz qapısına); Junivan Suares, 85 (pen) - Samir Abasov, 48
Hakimlər: Vüsal Əliyev, Nahid Əliyev, Knyaz Əmiraslanov, Əliyar Ağayev
Gəncə. Şəhər stadionu
Təsnifat mərhələsindəki oyunlar – 1:1, 1:4

“Qarabağ” – “Qəbələ” - 1:1
QOLLAR: İlqar Qurbanov, 90 - Viktor Mendi,16
Hakimlər: Rauf Cabbarov, Mehman Mahmudov, Coşqun Həsənov, Elvin Əsgərov
Ağdam. Quzanlı qəsəbə Olimpiya İdman Kompleksinin stadionu
Təsnifat mərhələsində oyunlar – 0:1, 0:0

	Klublar	O	Q	H	M	T-F	X
1	Neftçi	24	17	1	6	48-22	52
2	İnter	24	14	6	4	23-12	48
3	Qarabağ	24	13	6	5	29-15	45
4	Xəzər Lənkəran	23	13	5	5	33-20	44
5	Qəbələ	24	11	6	7	32-25	39
6	Bakı	23	10	5	8	27-23	35
7	Rəvan	24	8	7	9	26-29	31
8	AZAL	24	8	5	11	35-40	29
9	Kəpəz	24	7	5	12	31-40	26
10	Simurq	24	5	6	13	20-36	20
11	Turan	24	4	3	17	17-34	15
12	Sumqayıt	24	4	3	17	17-42	15

Bombardir: Bahodir Nasimov (Neftçi) - 14

• Nəriman oynadı, komandası məğlub oldu
• “Sportinq”də yeni müqavilə - RƏSMİ
• Günün oyunları bu kanallarda - TV AFİŞA
• Acun Ilıcalının komandası pley-offda
• Karvahal sıradan çıxdı