17 yaşadək qızlar arasında Cənubi Amerika çempionatında qrup mərhələsinə yekun vurulub. Apasport.az saytının məlumatına görə, bu il Azərbaycanda keçiriləcək dünya çempionatına seçmə xarakteri daşıyan yarışın yarımfinal cütlərinin tərkibi müəyyənləşib.

Boliviyada keçirilən yarışın ən güclü 4 komandası sırasına sonuncu vəsiqəni Argentina qazanıb. Meydan sahiblərini 4:3 hesabı ilə məğlub edən Lionel Messinin həmyerliləri A qrupunda 2-ci olublar. Qrup qalibi adını son tur ərəfəsində təmin edən Uruqvay isə Perudan üstün olub – 3:1.

Beləliklə, yarımfinalda Braziliya Argentina ilə, Kolumbiya isə Uruqvayla qarşılaşacaq. Bu matçların qalibləri finala yüksəlməklə yanaşı, Azərbaycandakı mundialda da oynamaq hüququ qazanacaq. Dünya çempionatına 3-cü vəsiqə isə 3-cü yer uğrunda oyunun qalibinə qismət olacaq.

• “Real”da ciddi itki
• Nəriman oynadı, komandası məğlub oldu
• “Sportinq”də yeni müqavilə - RƏSMİ
• Günün oyunları bu kanallarda - TV AFİŞA
• Acun Ilıcalının komandası pley-offda