“Bakı”dan “Qarabağ”a və əksinə 328 günlük yol
25.03.2012 - 11:58
“Qarabağ”ın futbolçusu Vaqif Cavadov karyerasında növbəti qolu vurmaq üçün 328 gün gözləməli oldu. Apasport.az saytının məlumatına görə, 23 yaşlı hücumçu bu il ilk qolunu martın 24-də “Bakı”ya səfərdə 2:1 hesabı ilə qalib gəldikləri Premyer Liqa oyununda vurdu. 46-cı dəqiqədə meydana daxil olan Vaqif 1 dəqiqə sonra rəqib qapısına yol tapdı və bu, oyunda qələbə topu oldu.
Maraqlıdır ki, Cavadov bunadək sonuncu qolunu da məhz bu komandaların oyununda vurmuşdu. Söhbət ötən çempionatın mayın 1-də 2:2 hesabı ilə nəticələnən “Qarabağ” – “Bakı” oyunundan gedir. Fərq ondadır ki, Vaqif Tofiq İsmayılov adına Bakıxanov qəsəbə stadionunda “Bakı”nın futbolçusu idi və 25-ci dəqiqədə “Qarabağ”a qol vurmuşdu. Özü də onda da hücumçu qonaq komandanı hesabda 2:0 irəli çıxarmışdı. Bu dəfə meydan sahibləri Cavadovun qoluna cavab versə də, tarazlığı bərpa edə bilmədi. Halbuki “Bakı”nın ispan hücumçusu Koke 78-ci dəqiqədə hesabı 2:2 etməyə yaxın olsa da, penalti zərbəsini dəqiq vurmağı bacarmadı.
Həmin mövsümün sonunda “Bakı” ilə 1 illik icarə müqaviləsi bitən Vaqif “Tvente”yə qayıtdı və onunla anlaşmasını pozaraq, “Volqa”ya keçdi. Ancaq həmyerlimiz Rusiya Premyer Liqası təmsilçisində keçirdiyi 6 ayda qol hesabını aşa bilmədi, yalnız Moskva “Spartak”ı ilə “Lujniki” stadionunda kubok oyununda penaltidən fərqlənməklə, komandasının növbəti mərhələyə çıxmağında pay sahibi oldu. Ötən qışda “Volqa”dan ayrılan Vaqif 2 il sonra “Qarabağ”a qayıtdı və ölkəmizdə ilk klubunda fərqləndi.
Qeyd edək ki, Cavadov milli komandamızın ötən ilin oktyabrında Avstriya yığması ilə Bakıda 1:4 hesabı ilə uduzduğu rəsmi oyundan sonra düşərgəni tərk etdiyinə görə AFFA-nın İntizam Komitəsi tərəfindən kəsilən 5 oyunluq cəzası bitəndən sonra bu ay yaşıl meydana qayıtdı.
Mehman SÜLEYMANOV
Maraqlıdır ki, Cavadov bunadək sonuncu qolunu da məhz bu komandaların oyununda vurmuşdu. Söhbət ötən çempionatın mayın 1-də 2:2 hesabı ilə nəticələnən “Qarabağ” – “Bakı” oyunundan gedir. Fərq ondadır ki, Vaqif Tofiq İsmayılov adına Bakıxanov qəsəbə stadionunda “Bakı”nın futbolçusu idi və 25-ci dəqiqədə “Qarabağ”a qol vurmuşdu. Özü də onda da hücumçu qonaq komandanı hesabda 2:0 irəli çıxarmışdı. Bu dəfə meydan sahibləri Cavadovun qoluna cavab versə də, tarazlığı bərpa edə bilmədi. Halbuki “Bakı”nın ispan hücumçusu Koke 78-ci dəqiqədə hesabı 2:2 etməyə yaxın olsa da, penalti zərbəsini dəqiq vurmağı bacarmadı.
Həmin mövsümün sonunda “Bakı” ilə 1 illik icarə müqaviləsi bitən Vaqif “Tvente”yə qayıtdı və onunla anlaşmasını pozaraq, “Volqa”ya keçdi. Ancaq həmyerlimiz Rusiya Premyer Liqası təmsilçisində keçirdiyi 6 ayda qol hesabını aşa bilmədi, yalnız Moskva “Spartak”ı ilə “Lujniki” stadionunda kubok oyununda penaltidən fərqlənməklə, komandasının növbəti mərhələyə çıxmağında pay sahibi oldu. Ötən qışda “Volqa”dan ayrılan Vaqif 2 il sonra “Qarabağ”a qayıtdı və ölkəmizdə ilk klubunda fərqləndi.
Qeyd edək ki, Cavadov milli komandamızın ötən ilin oktyabrında Avstriya yığması ilə Bakıda 1:4 hesabı ilə uduzduğu rəsmi oyundan sonra düşərgəni tərk etdiyinə görə AFFA-nın İntizam Komitəsi tərəfindən kəsilən 5 oyunluq cəzası bitəndən sonra bu ay yaşıl meydana qayıtdı.
Mehman SÜLEYMANOV
Oxşar xəbərlər
Ana səhifə
Bütün xəbərlər