“Mərkəz müdafiəçilərimizin olmamağı özünü qollarda göstərdi”

25.03.2012 - 16:47

“Mərkəz müdafiəçilərimizin olmamağı özünü buraxdığımız qollarda göstərdi”. Apasport.az saytının məlumatına görə, bu sözləri “Rəvan”ın baş məşqçisi Bəhmən Həsənov deyib. “Turan”la səfər oyununda hesabda 1:0 irəlidə olan debütant sonradan buraxdığı 2 qolla uduzub - 1:2. Həmkarı Əsgər Abdullayevi qələbə münasibətilə təbrik edən Həsənovun fikrincə, mərkəz müdafiəçiləri Miloş Zeçeviçlə Ekrem Hodziçin yoxluğu birbaşa nəticəyə təsir göstərib: “Normal oyun göstərdik. Qol imkanlarımız da oldu. Təəssüf ki, məğlub olduq”.