7 günlük səfər

26.03.2012 - 12:25

“Qarabağ” Ağdama yollanıb. Apasport.az-ın klubun rəsmi saytına istinadən məlumatına görə, ölkə kubokunun 1/4 final mərhələsinin cavab oyununda “Qəbələ”ni qəbul edəcək komanda bu gün Bakını tərk edib.

Martın 28-də ilk oyunda qeydə alınmış 2:2 hesabının revanşına çıxacaq Ağdam təmsilçisi səfərə tam heyətlə yollanıb. “Qarabağ” “Qəbələ” ilə oyundan sonra isə geri dönməyəcək. Aprelin 1-də lider “Neftçi”ni çempionat çərçivəsində qəbul edəcək komanda hazırlıqlarını Ağdamda davam etdirəcək.

Qeyd edək ki, “Qarabağ”la “Qəbələ” cavab görüşü martın 28-də saat 15:00-da başlayacaq.