“Xəzər Lənkəran” hər nə olsa, vəziyyətdən çıxar” - MÜSAHİBƏ
26.03.2012 - 23:02
Ölkə futbolunu yaxından izləyənlər Yakuba Bambanı yaxşı tanımalıdı. Ölkəmizdə 76 oyuna 37 qol vuran Kot d`İvuar əsilli fransalı futbolçu karyerasını daha çox keçirdiyi "Karvan"ın tarixinə düşüb. Yevlax təmsilçisinin ən məhsuldar oyunçusu ünvanına sahib olan Bamba milli çempionatımızda 60 matçda 32 dəfə fərqlənib.
"Karvan"a 2005-ci ilin yazında gələn Yakuba 2007-ci ilin yayında "Xəzər-Lənkəran"a keçsə də, orada ümidləri doğrultmadı. Ardından "Karvan"a dönən əcnəbi maddi problemlər içində çabalayan Yevlax klubunda da gözlənilən oyunu sərgiləmədi. Ölkəmizdə çıxış etdiyi sonuncu - 2009/10 mövsümündə 13 görüşdə meydanda olan hücumçu qol hesabını aça bilmədi. Məhz bu səbəbdən də əyalət klubu ona qapını göstərməli oldu.
Oxucularımız üçün maraqlı olacağını nəzərə alaraq, hazırda Fransanın paytaxtı Parisdə yaşayan Bamba ilə əlaqə saxlayıb, söhbətləşdik (Sport Ekspress).
- Salam, Yakuba. Səni Azərbaycandan narahat edirik.
- Buyurun, zənginizə çox sevindim.
- Ölkəmizdən gedəndən bəri səndən səs-soraq yoxdu. Necəsən, harada yaşayırsan?
- Çox sağ olan, yaxşıyam. Fransada, Parisdə yaşayıram.
- Nə işlə məşğulsan? Futboldan uzaqlaşmısan, yoxsa?
- "Karvan"dan ayrılandan sonra futbolçu karyeramı başa vurub, məşqçiliyə başladım. Hazırda Fransa çempionatının III liqasında çıxış edən "Paris"də çalışıram. Klubun 20 yaşadək futbolçulardan ibarət komandasının baş məşqçisiyəm. İşlərim yaxşı gedir. Məşqçilik peşəsi üçün normal başlanğıcdı.
- Azərbaycanda kimləsə əlaqə saxlayırsan?
- Hə, sosial şəbəkələrdə ünsiyyətdə olduğum adamlar var. Vaxtı ilə "Karvan"da mənimlə birgə oynayan Samir Abdulovla telefonla danışırıq, hal-əhval tuturuq.
- Çempionatımızı izləyirsən?
- Ətraflı izləməyə vaxtım olmur. Amma çempionatın gedişini internet vasitəsi ilə izləyirəm. "Neftçi" ötən mövsüm çempion oldu, səhv etmirəmsə, hazırda da liderdi.
- Yox, səhv etmirsən. Amma sabiq komandalarının durumu elə də yaxşı deyil. "Karvan" hazırda I divizionda çıxış edir, "Xəzər Lənkəran"ın da işləri yolunda deyil.
- "Karvan"dan xəbərim var, orada maddi baxımdan durum yaxşı deyildi. "Xəzər Lənkəran" isə imkanlı klubdu, hər nə olsa, vəziyyətdən çıxar.
- Yeri gəlmişkən, "Karvan"da rəhbərliyi altında çıxış etdiyin Yunis Hüseynov bugünlərdə "Xəzər Lənkəran"nın baş məşqçisi təyin olundu.
- Doğurdan? Xəbərim yox idi. Yunis yaxşı oğlandı, yaxşı insandı. Çox sevindim. Ona təbrikimi çatdırın. Yunis "Xəzər Lənkəran" kimi klubda mütləq özünü doğruldacaq.
- Bəs sənin gələcək planların necədi? Özünü məşqçi qismində ölkəmizdə sınamaq istəmirsən?
- Azərbaycan mənə doğma olan ölkədi. Orada özümü qərib hiss etmirdim. Təklif olsa, sevinə-sevinə gələrəm. Hazırda əlimin altında bilirsiz necə istedadlı futbolçular var? Mənə dəvət gəlsə, onları da özümlə gətirərəm.
- Dəvət olmasa belə, həmin futbolçuları klublarımıza təklif edə bilməzsən? Və ya bizim oyunçuları Fransaya aparmaq mümkün deyil?
- Bu işlərlə daha çox menecerlər məşğul olur. Mən bütün diqqətimi məşqçiliyə yönəltmişəm. Bu sahədə uğur qazanmaq istəyirəm.
- Yaxın vaxtlarda ölkəmizə gəlməyi düşünmürsən?
- Hələ ki, imkan yoxdu. Bəlkə istirahət vaxtlarında gəlmək olar.
"Karvan"a 2005-ci ilin yazında gələn Yakuba 2007-ci ilin yayında "Xəzər-Lənkəran"a keçsə də, orada ümidləri doğrultmadı. Ardından "Karvan"a dönən əcnəbi maddi problemlər içində çabalayan Yevlax klubunda da gözlənilən oyunu sərgiləmədi. Ölkəmizdə çıxış etdiyi sonuncu - 2009/10 mövsümündə 13 görüşdə meydanda olan hücumçu qol hesabını aça bilmədi. Məhz bu səbəbdən də əyalət klubu ona qapını göstərməli oldu.
Oxucularımız üçün maraqlı olacağını nəzərə alaraq, hazırda Fransanın paytaxtı Parisdə yaşayan Bamba ilə əlaqə saxlayıb, söhbətləşdik (Sport Ekspress).
- Salam, Yakuba. Səni Azərbaycandan narahat edirik.
- Buyurun, zənginizə çox sevindim.
- Ölkəmizdən gedəndən bəri səndən səs-soraq yoxdu. Necəsən, harada yaşayırsan?
- Çox sağ olan, yaxşıyam. Fransada, Parisdə yaşayıram.
- Nə işlə məşğulsan? Futboldan uzaqlaşmısan, yoxsa?
- "Karvan"dan ayrılandan sonra futbolçu karyeramı başa vurub, məşqçiliyə başladım. Hazırda Fransa çempionatının III liqasında çıxış edən "Paris"də çalışıram. Klubun 20 yaşadək futbolçulardan ibarət komandasının baş məşqçisiyəm. İşlərim yaxşı gedir. Məşqçilik peşəsi üçün normal başlanğıcdı.
- Azərbaycanda kimləsə əlaqə saxlayırsan?
- Hə, sosial şəbəkələrdə ünsiyyətdə olduğum adamlar var. Vaxtı ilə "Karvan"da mənimlə birgə oynayan Samir Abdulovla telefonla danışırıq, hal-əhval tuturuq.
- Çempionatımızı izləyirsən?
- Ətraflı izləməyə vaxtım olmur. Amma çempionatın gedişini internet vasitəsi ilə izləyirəm. "Neftçi" ötən mövsüm çempion oldu, səhv etmirəmsə, hazırda da liderdi.
- Yox, səhv etmirsən. Amma sabiq komandalarının durumu elə də yaxşı deyil. "Karvan" hazırda I divizionda çıxış edir, "Xəzər Lənkəran"ın da işləri yolunda deyil.
- "Karvan"dan xəbərim var, orada maddi baxımdan durum yaxşı deyildi. "Xəzər Lənkəran" isə imkanlı klubdu, hər nə olsa, vəziyyətdən çıxar.
- Yeri gəlmişkən, "Karvan"da rəhbərliyi altında çıxış etdiyin Yunis Hüseynov bugünlərdə "Xəzər Lənkəran"nın baş məşqçisi təyin olundu.
- Doğurdan? Xəbərim yox idi. Yunis yaxşı oğlandı, yaxşı insandı. Çox sevindim. Ona təbrikimi çatdırın. Yunis "Xəzər Lənkəran" kimi klubda mütləq özünü doğruldacaq.
- Bəs sənin gələcək planların necədi? Özünü məşqçi qismində ölkəmizdə sınamaq istəmirsən?
- Azərbaycan mənə doğma olan ölkədi. Orada özümü qərib hiss etmirdim. Təklif olsa, sevinə-sevinə gələrəm. Hazırda əlimin altında bilirsiz necə istedadlı futbolçular var? Mənə dəvət gəlsə, onları da özümlə gətirərəm.
- Dəvət olmasa belə, həmin futbolçuları klublarımıza təklif edə bilməzsən? Və ya bizim oyunçuları Fransaya aparmaq mümkün deyil?
- Bu işlərlə daha çox menecerlər məşğul olur. Mən bütün diqqətimi məşqçiliyə yönəltmişəm. Bu sahədə uğur qazanmaq istəyirəm.
- Yaxın vaxtlarda ölkəmizə gəlməyi düşünmürsən?
- Hələ ki, imkan yoxdu. Bəlkə istirahət vaxtlarında gəlmək olar.
Oxşar xəbərlər
Ana səhifə
Bütün xəbərlər