Messinin həmyerlilərini Azərbaycana buraxmadılar

27.03.2012 - 08:45

Bu ilin payızında Azərbaycanda keçiriləcək 17 yaşadək qızlar arasında dünya çempionatının final mərhələsinin daha 1 iştirakçısı müəyyənləşib. Apasport.az saytının məlumatına görə, Cənubi Amerika çempionatında III yeri tutan Kolumbiya milli komandası mundiala vəsiqə qazanıb. Onlar buna qitə çempionatının final mərhələsinin son turunda Argentinanı 4:0 hesabı ilə məğlub etməklə nail olub. Braziliya və Uruqvay yığmalarının ardından buna nail olan Kolumbiya Lionel Messinin həmyerlilərini Azərbaycana buraxmayıb. Qitə çempionu adını isə son turda 1:0 hesabı ilə Uruqvayı məğlub edən Braziliya qazanıb.

Qeyd edək ki, bunadək mundiala Azərbaycanla yanaşı Asiyadan Çin, Şimali Koreya, Yaponiya, Cənubi Amerikadan Braziliya, Uruqvay, Afrikadan Qana, Nigeriya vəsiqə qazanıb.