Azərbaycan yığmasına qarşı 10 futbolçu

28.03.2012 - 14:52

21 yaşadək futbolçulardan ibarət Finlandiya milli komandasının heyəti açıqlanıb. Apasport.az saytının məlumatına görə, aprelin 4-də Azərbaycan yığması ilə yoldaşlıq oyunu keçirəcək suomilərin baş məşqçisi mika Laurikaynen qarşılaşma üçün açıqladığı heyətə cəmi 10 futbolçu daxil edib. Bunlar qapıçı Valter Viitala, sahə oyunçuları Tapio Heykkila, Yuso Simpanen, Duarte Tammilehto, Tim Vayrinen (hamısı “Honka”), Samu Nieminen (HİK), Sami Rasanen, Atte Hoyvala (hər ikisi “Kuopio Palloseura”), Petteri Forsell (“Mariehamn”) və Yaakko Lepoladır (“Lahti”).

Finlandiya yığmasının qarşılaşmaya heç start heyətinin də düzəlmədiyi sayda – 10 futbolçu çağırması səbəbsiz deyil. Belə ki, Laurikaynen Liqa kubokunun yarımfinal mərhələsinin başa çatmasını gözləyir. Bundan sonra o, daha 8 oyunçuya dəvət göndərəcək.