FİFA Azərbaycan yığmasının üzvlərini siğortalyacaq

31.03.2012 - 09:14

Milli komandaların rəsmi oyunlarında çıxış edən bütün futbolçular sığortalanacaq. Apasport.az saytının məlumatına görə, belə qərar FİFA-nın İcraiyyə Komitəsinin yığıncağında qəbul edilib. Lakin bu qərar qurumun mayda keçiriləcək konqresində də təsdiqlənməlidir. Yığma üzvlərinin sığortalanması isə sentyabrın 1-dən qüvvəyə minəcək. Bu addım klubların ciddi narazılığından sonra qəbul olunub. Belə ki, klublar yığmalarda zədələnən futbolçularının müalicəsinə xərclədiyi pullara görə FİFA-ya şikayətlənirdilər.

Qeyd edək ki, FİFA-nın bu yeniliyi bütün yığmalar kimi Azərbaycan milli komandasına da şamil olunacaq.